21 oct 2010

TRES POETES



Xandru Fernández


NA CARPA DE RADIO KRAS NA SELMANA NEGRA.
Si tenéis paciencia pa escuchalo (cuento qu´infinita)

RECITAL 17/07/2010

Pablo X. Suárez



Miguel Allende


20 sept 2010

OLD FRIENDS-BOOKEND

              
Ésti sábado cena d´antiguos alumnos, d´antiguos amigos.
"Tengo una fotografía que conserva los vuertros recuerdos"
P. SIMON.

2 sept 2010

Revista Clarín

                                                    Nun puedo ponevos aquí la reseña, porque nun tien enllaces, pero na última publicación de la Revista Clarín, l´escritor Alfonso López Alfonso saca un artículu del mio Alter Ego. Amás d´una selección de poemes orixinales al par d´una traducción al castellanu, fai una introducción heterodoxa dafechu.      Tengo que dicir que m´emocionó (nunca sabe ún ónde ta la sorpresa). Alfonso fue alumnu míu nel Orfanatu Mineru . Quiciás tuvi otros como él, pero toi seguru que nengún meyor qu´él. Con poco más de trenta años tien publicaos dellos llibros, ente ellos una novela preciosa, El aliento en la nuca y un llibru de narraciones breves (Camino de vuelta) que vos recomiendo a toos, de una sensibilidá fuera de lo común, aparte tien escritos una porretá d´artículos na prensa y revistes (escribe habitualmente en La Nueva España y la Revista Clarín) y ganó premios lliterarios fuera les nuestres fronteres tan importantes como el Premio Internacional de Periodismo Miguel Hernández. Ye d´una aldea de Cangas (Moncóu) y nos sos llibros nunca olvida la so tierra nin el so Orfanatu Mineru. Amás de too esto ye una de les meyores persones que conozo(dizlo tol mundu) y un buen amigu.             



30 jul 2010

TIEMPU MUERTU

        
        Dexo hasta setiembre la ciudá y los llibros y colo con un 12-25 de piñón y un 39-53 de platu.
                                            Habrá qu´arreglar la bici,
                                            habrá que subir al puertu,
                                            habrá que rozar la sebe,
                                            habrá que podar el setu,
                                            habrá que segar el césped,
                                            ...
                                            Habrá que matar el tiempu.


12 jul 2010

RECITAL POÉTICU SELMANA NEGRA 2010



 




"El que pasó per esta vida y nun vivió,
pue ser más, pero sabe menos que yo"
(Vinicius de Moraes, Toquinho, Tomaso Albinoni)


 







2 jul 2010

TITULARES TOMISTES

¿Qué tomará esta xente?

Lne.es » Sociedad Martes 29 de junio de 2010
Gustavo Bueno, entre los firmantes de la bienvenida al Papa
...Bueno explicó ayer que a Benedicto XVI «le tengo mucha simpatía desde siempre por su racionalismo, por así decirlo, y porque es un teólogo tomista que conoce y respeta las objeciones de sus adversarios, y luego las refuta».



Lne.es » Sociedad Viernes 2 de julio de 2010
El Papa invita a los fieles a perdonar al obispo alemán acusado de maltrato a menores

El casu ye que yo tuvi que tragar (=tomar a la fuerza) toles "bene-dictes" teoríes bondadoses del catolicismu dende bien guaje(=menor) y na universidá tola teoría del "cierre categorial" con pelos y señales. ¡Qué quies! ¡Como pa face-yos casu!

28 jun 2010

YONI Y YO Y YO MESMU

EL POETA QUE NUN VIENO NEL MAYFLOWER
Anque maldita falta-y faga a Pablo que yo nin naide fale del so llibru qu´anda estos díes per ende (falar d´un llibru ye namás DEclarar lo que ta claro), la cosa ye que m´apetez dicir daqué d´él por esi rixu que nos pruye a toos cuando un escritor nos presta.
Yá cuando sacó l´escelente poemariu Asturiana beat nos alvertía dende la primera páxina a los sos llectores, que nun llegaba a eses costes nel Mayflower. Creo que fue nel so momentu (y acasu sigue siendo) un buen xingón pa la poesía que se taba y se ta faciendo.
Yoni y yo empieza na portada (buena portada) a danos les pistes de lo que se cuez dientro. La buena lliteratura fala siempre de la hestoria que nun cuenta la Hestoria con mayúscules. Quien quiera conocer agora o nun futuru la realidá del momentu que vivimos, tendrá que dir a llibros como esti de Pablo. Pero que naide crea que somos los otros (los que nun somos Yoni, un macarra de barriada, un personaxe de cómic), distintos. Yoni somos toos, los sos mieos, les sos preocupaciones nun son n´esencia otres que les de la mayoría de la xente, por nun dicir de tola xente. Esprésanoslo dende Ficha hasta La keta y Yurena la pink. Tamién somos el neñu de Del chicle al cristal. Yo somos toos y lo mesmo. Los mesmos.



25 jun 2010

VERANU


                                             knock  knock  knocking on summer's door

24 jun 2010

DESINENCIES

"-Non, atiendi: cuando yera neña tolos 6 de xineru espertábenme los espirríos de mio pá; ¿sabes por qué estornudaba?              
   -Alerxa a los camellos, supongo."
                                                         CUENTU DE NAVIDÁ.



la paciencia del caracol



Na Lliteratura Asturiana tenemos la suerte de contar con escritores como Héctor.

22 jun 2010

MIENTRES CAI LA NUECHE

 
                                                     
                                                       When they poured across the border
                                                            I was cautioned to surrender,
                                                                   This i could not do;
                                                             I took my gun and vanished.

10 may 2010

KRÁNEO PREBILEJIADO

La Tabierna de EL ZIELO: LLuz escasa: Mostrador del antiguu DHARMA escuru con meses d´antigües máquines de coser : Xugadores de la timba: Borrosos diálogos. - PABLOXimo ESTRELLA y OTROS 5 BARDOS*, sombres nes sombres d'un rincón, al calor del fumo y los vasos.




LA MOZA DE LA BARRA: Cuando quieras apago la música y priendo la vida, Don maX.

maX: Yes una poeta.

COMPARSA I: Falta un bardu.

maX: Tien aquí la siella.

EL YONI: Y el vasu.

EL BORRACHU(alzando´l vasu): Pol poeta, por tolos poetes.

EL YONI: Los últimos poetes d´Asturies.

COMPARSA II: Eso habrá que velo.

maX: Yo toi ciegu.

EL YONI: Pero yes un poeta.

EL BORRACHU: ¡Kráneo prebilejiado!

maX: Yo nunca quixi escribir. ¡Sólo vivir!

EL YONI: Sabes vivir.

maX: Mañana muerro otra vez, y el mio fíu ye namás un llatíu asturianu.

Buena poesía, poesía estremecida, de los poetes de la timba (tamién de Pin nel recuerdu) y nos güeyos ciegos un vidriáu triste, d´alcohol y de fiebre y fumo.







* Tamién “cabra amariella” n´asturiano.