D´un famosu alcuentru con Janis Joplin nel Hotel Chelsea, Leonard Cohen compuso una canción na que diz: "somos feos, pero tenemos la música".
Estos díes, restolando pela banda sonora de la mio mocedá alcontré esti discu de Crosby, Stills, Nash & Young, que da la casualidá que cumple esti mes de marzu los cincuenta años de la so publicación.
Nun sé qué estraña conexón podía haber naquellos 70 ente aquellos mozos asitiaos nel Laurel Cayon, cola vitalidá y les ganes de vivir y cambialo too, al calor del sol de California y del 68 y unos chavaletos del valle de Llaviana, d´un territoriu y un tiempu nel que daba les boquiaes un franquismu tan babayu y gris como incultu y aburríu, pero la música tien esi misteriu. Quiciás la música de fusión céltica podría esplicar esti fenómenu, pero en too casu nun lo esplica too.
Andando´l tiempu pudi conseguir esti "Déjà vu" en vinilo, pero les primeres veces que lu escuchaba yera nuna cinta d´una grabadora SANYO que tenía en mio casa.
Gamonal -"Gamo"-, un amigu de la infancia que tenía un tocadiscos pa
reproducir vinilos, fíxose qué sé yo ónde col discu esti en cuestión y
una tarde pasémosla en so casa unos cuantos amigos grabándolu col mio cassette. D´inglés, sabíemos poco, por nun dicir nada, anque con
paciencia, con muncha paciencia, fuimos capiscando dalgo de lo que dicíen les lletres d´aquelles canciones del álbum.
El confinamientu forzosu n´alma y cuerpu al que tábemos avezaos naquellos tiempos de borrina, víase reconfortáu en delles ocasiones por músicos como estos y siempre pol paisaxe del nuestru pueblu (ta pa ver). Yera lo que nos salvaba.
Tolos que yéremos entós y la xente de la mio xeneración, seguramente vamos yá pa vieyos -unos más qu´otros- y seguramente que tamién somos feos como´l poeta, pero... Ahí ta esti "Teach your children", por exemplu, "Aprendi (o alvierti) a los tos fíos", nun sé... Traducíilu, si vos apetez, vosotros mesmos, que seguro que sabéis más inglés que yo.
Había un programa na radio daquella nel que se dedicaben canciones a la xente conocío. Toi pensando que los nuestros fíos yá son trentañeros y qu´igual tendría que dedica-y esta canción a los nuestros nietos.
En fin, pa tolos "que tais nel camín", en xeneral.
Nun sé qué estraña conexón podía haber naquellos 70 ente aquellos mozos asitiaos nel Laurel Cayon, cola vitalidá y les ganes de vivir y cambialo too, al calor del sol de California y del 68 y unos chavaletos del valle de Llaviana, d´un territoriu y un tiempu nel que daba les boquiaes un franquismu tan babayu y gris como incultu y aburríu, pero la música tien esi misteriu. Quiciás la música de fusión céltica podría esplicar esti fenómenu, pero en too casu nun lo esplica too.
Andando´l tiempu pudi conseguir esti "Déjà vu" en vinilo, pero les primeres veces que lu escuchaba yera nuna cinta d´una grabadora SANYO que tenía en mio casa.
Gamonal -"Gamo"-, un amigu de la infancia que tenía un tocadiscos pa
reproducir vinilos, fíxose qué sé yo ónde col discu esti en cuestión y
una tarde pasémosla en so casa unos cuantos amigos grabándolu col mio cassette. D´inglés, sabíemos poco, por nun dicir nada, anque con
paciencia, con muncha paciencia, fuimos capiscando dalgo de lo que dicíen les lletres d´aquelles canciones del álbum.El confinamientu forzosu n´alma y cuerpu al que tábemos avezaos naquellos tiempos de borrina, víase reconfortáu en delles ocasiones por músicos como estos y siempre pol paisaxe del nuestru pueblu (ta pa ver). Yera lo que nos salvaba.
Tolos que yéremos entós y la xente de la mio xeneración, seguramente vamos yá pa vieyos -unos más qu´otros- y seguramente que tamién somos feos como´l poeta, pero... Ahí ta esti "Teach your children", por exemplu, "Aprendi (o alvierti) a los tos fíos", nun sé... Traducíilu, si vos apetez, vosotros mesmos, que seguro que sabéis más inglés que yo.
Había un programa na radio daquella nel que se dedicaben canciones a la xente conocío. Toi pensando que los nuestros fíos yá son trentañeros y qu´igual tendría que dedica-y esta canción a los nuestros nietos.
En fin, pa tolos "que tais nel camín", en xeneral.
Hola Miguel
ResponderEliminarAquelles grabaciones «a pelu» yeren surrealistes, el micrófonu asitiáu al pie del altavoz (*) y toos alredor calladinos pa nun estrozar la grabación. La calidá yera lo de menos, poder grabar de un discu a una cinta yera un milagru tecnolóxico y una manera d’aforrar unes perres: un LP costaba unes 600 pesetes y una cinta BASF nun llegaba a los veinte duros ¡¡un chollu!!.
¡¡Qué recuerdos!! y cuantu aprendí de los LP y cintes que traía’l mio hermanu, unos emprestaos por vosotros y otros compraos (a medies conmigo y con Raquel, que conste ��).
D’aquella había que baxar a Sama pa comprar un LP o si se diva a Uviéu había una tienda na cai Toreno (creo que se llamada «Discoteca») que yera como’l Vaticano de la música, con cientos de LP metíos en caxones pa restolar per ellos. Cómo echo de menos la sensación d’andar a la gueta pasando discos ente los deos pa dar con daqué que prestara.
Gracies por sacudinos el polvo de les neurones
(*) «l’altavoz» porque esi tocadiscos solo tenía ún, l'estéreo yera la intelixencia artifical d’aquel entós
Gracies a ti Fernando por recordame los detalles. "Discoteca", al par del Campu San Francisco, efectivamente yera´l templu.
EliminarUn abrazu
Fe de erratas: onde diz ««diva» tien que ser «diba» (por supuesto, sorry)
ResponderEliminarHombre Miguel otra vez en el Cuadernu de Rayes, qué bien. Me alegro mucho. Pues mira, yo tengo esi discu LP también (y muches cintes de eses que decís) y cuánto prestaba escuchalu. Escuchalo todo. La música era una ventana al mundo y ye verdá que ahora hay tantes ventanes que a veces no sabes a dónde asomate. En fin enhorabuena por el relatu y pol gusto musical compartido. Un abrazu.
ResponderEliminarGacies a ti por parate a leelo.
ResponderEliminarUn saludu.