Trenta años de la vida y de la poesía (valga la redundancia) tán nesti llibru que nos presentó l´otru día en Cauce Nalón con figura emocionada y pallabra intensa Fernando Beltrán, que diz que se mete "onde naide lu llama". Bienveníu seya y bienvenida esa poesía que da vuelta a lo que paez evidente, pero que non tol mundu ye a ver. Él sí.
Nun amanecer en Bagdad de 1991, en plenu bombardéu cantaba un gallu. Los de la CNN quixeron ver nello una imaxe surrealista, pero lo que yera surrealista nun yera´l gallu cantando, yeren, por supuestu, les bombes, como nos diz Beltrán (LAUD/E/amus eum et gaudeamus igitur carminis eius):
"Cantó el gallo en mitad del bombardeo.
Como si no supiera
que esta guerra es un duelo entre dos dioses
y quisiera ser él el tercero en discordia.
Como si el muy necio intentara
convencerse a sí mismo
que a las cinco amanece
a pesar de los hombres".
Prestaríame saber la tu opinión sobre esto: resulta que nos pasaos premios de la Crítica d’Asturies premiaron como meyor novela a “Intento d’escritura” de Xurde Fernández. Y resulta que, previamente, saliera una crítica d’Antón García sobre esti autor y llibru na LNE (http://www.lne.es/cultura/2011/09/29/parentesis/1135628.html) onde pon fina esta novela, onde vien a dicir que nun val pa nada, que ye una mala obra.
ResponderEliminarResúltame paradóxico qu’unu que sabe de lliteratura diga qu’esta obra nun ye bona, y que en cambio otros (nun sé quienes son los xuraos) la consideren la meyor novela n’asturianu d’esti añu. Nun hai dalgo que ta mal? Nun chirría dalgo? Nun suena raro?
Estimáu Nel(seyas quien seyas). En primer llugar dicite que nun conozo´l llibru esti en concretu de Xurde, anque sí como autor d´otres coses y gústame. Lleí la crítica d´Antón cuando salió y paecióme abondo dura(asina que nun me va quedar otro que lleélu). Sí conozo´l de Iris, que me paez mui buenu, y como non el del mio amigu Pablo. Lo de Pablo víase venir (yo yá lo dixi nesta entrada mía:http://miguelallende.blogspot.com/2010/06/yoni-y-yo-y-yo-mesmu.html)y tovía lo que nos queda por ver con esti autor.
ResponderEliminarPero nun voi escurrir el bultu. Yo tengo un premiu de la crítica (de poesía en 2004)y pueo dicite que ye´l que más estimo, por una razón: yo nun me presenté a esi premiu, presentóme la editorial Trabe ensin que yo lo supiere. Cuando me llamó Miguel Rojo (al que yo nun conocía namás que polos sos llibros), díxome que yera ún de los xuraos y pensé que yera una broma, nun-y fixi munchu casu, hasta que falando con otru de los que taben en xuráu fueron convenciéndome de que me presentare a recoyer la estatuína del Apolo. Pueo dicite qu´esa esperiencia mía marcó tolo que sigue de lo que siguí publicando(pa bien o pa mal).
Como sabes non tol mundu ve colos mesmos güeyos el mesmu llibru, pero sí toi seguru, polo que te dixi antes del buen trabayu de los xuraos d´esi premiu. Sinón a qué fin me diben dar a mi(completamente desconocíu,con un curriculum d´un poemariu d´escases 60 páxines y que nun sabía siquiera qu´esistiere una asociación d´escritores n´Asturies, nin los conocía nin me conocíen.
Antón delles veces paez que quier provovar un poco, sobre too al autor pa aguixalu, o asina lo quiero entender yo. Suelo lleé-y la so columna de la crítica y fáilo delles veces, anque con Xurde nun te pueo dicir si va bien o va descamináu. De toes maneres ello lo dirá, tolos autores nun tienen porqué tener el mesmu puntu de vista pa enfocar una novela negra.
Un saludu.
Espero respondete