EL PRAU DE LA FIESTA

Camiseta de les Fiestes de 2011

En 1947 el cura de la parroquia d´Intrialgo en Llaviana, propunxo a los vecinos de Canzana facer una capiella nel llugar.

Naquella fecha naide podía dicir que non, pero tampoco´l pueblu dixo que sí. Paez ser qu´aquel cura nun sabía mui bien con quién trataba, o nun lo quería saber. Namás que fueron dexándolo correr añu tres añu hasta llegar al momentu actual, polo que´l mio pueblu sigue sin capiella nin santu pa cellebrar les fiestes.

Pero nin falta, porque se faen igual. Son les fiestes “A LA ALDEA DEL TÍU GORO”, que son esti fin de selmana. Si dalguién nun s´acuerda bien ye La aldea perdida de Palacio Valdés, Canzana ye´l pueblu de Demetria, ún de los dos personaxes centrales de la novela, y el tíu Goro´l so padre adoptivu.


Casa de Demetria n´actualidá.

Son de les poques fiestes paganes que conozo per aquí y ta recoyida nun estudiu que fixo Vicente Rodríguez Hevia (Vicente´l de Llatín, paisanu del nuestru conceyu) pa l´Academia de la Llingua hacia 2005 cuando yo andaba metíu na comisión de fiestes. Otra que se facía na aldea de Mardana (la del SAPU), yá va tiempu que nun se cellebra por cuenta de les dificultaes que tienen estos pueblinos con tan escasa población pa sacales alantre. En Canzana nun llegamos a los cien habitantes, pero tovía se sostienen a base del empeñu que-y ponen na comisión de fiestes.

Faise en “El Llosicu”, prau que tien la so hestoria, que vien yá de la II República.

Sabío ye qu´en Canzana había ún de los nucleos más importantes y activos de la resistencia antifranquista na Cuenca, hai que tener en cuenta que ta al par de les primeres mines qu´hubo en Llaviana, les de Coto Musel en Meruxalín, abiertes en 1876 y que fue un pueblu mineru mui comprometíu.

El casu ye qu´en tiempos de la República los vecinos compraron el prau pa facer nél una escuela.
Cola guerra civil y los años de depués, los herederos del primer dueñu robaron-ylu a los vecinos y quedáronse con él, hasta que yá al final del franquismu´l pueblu de Canzana lu reclama per vía xudicial. Fue un procesu llargu y costosu y que gracies al abogáu Emilio Barbón -que nun cobró nin una sola peseta en tol procesu y que punxo cuerpu y alma nesa xera- pudo´l pueblu facese otra vez colo que yera suyo.

Como yá había escuela nel llugar por aquelles feches, decidióse destinalu a una pista polideportiva con una caseta onde se poder reunir la xente, onde echar la partida, etc. Con dalguna ayuda d´instituciones públiques fixímoslo too (a mi yá me tocó esto último) a sestaferia.

Pa les fiestes ponse una carpa na pista. Nun hai nin procesión, nin misa, nin puya del ramu, pero arreglámosnos igual. El polideportivu ta mesmamente en “El Cantu”, a los cuatro vientos y pue vese bien clara la Peña Mea, esa especie de Narayama nuestru de la que Palacio Valdés dixo que paecía la silueta d´una diosa echada.

Son tres díes más el siguiente sábadu de baille de sociedá. Hai maratón de tute, corderaes, orquestes de les d´acordión, baille, sopes, gaita y tambor, etc. “Nun ta nada mal –como siempre diz un vecín- pa un pueblu ensin lluz”.

Canzana. (Foto de Ladio´l del Condáu).

LOST IN THE BLACK WEEK

Si vos perdéis pela (non pola -o tamién-) Selmana Negra y vos apetez pasar pela caseta de LA MARABUNTA, aquí tenéis el programa:

AGENDA DE "LA MARABUNTA". "Semana Negra 2012" (del 6 al 15 de julio)

> Viernes 6  (mañana): montaje Carpa Librería.

> Sábado 7

* Carpa de Encuentros "S/N"

21 h. Presentación de "Yo Muero hoy" de Olga Rodríguez

21:30 h a 22:15. Presentación de "Razones para la minería" de Willy Toledo

* Caseta La Marabunta.

19-20 h. Firma de Libros Olga Rodríguez

20-21 h. Firma de Libros Willy Toledo

> Domingo 8

* Carpa de Encuentros "S/N"

20:30 h. Presentación de la colección de novela Negra de "Garaje Ediciones"

* Caseta La Marabunta.

21:00 h. Firma de Libros Manuel Blanco Chivite

> Lunes 9.

* Caseta La Marabunta.

19 h. Presentación libro: "La custión nacional nel Estau Español" Andreu Nin. (FAN Asturies) Con Moisés Cima y Javier Cubero.

20 h. Presentación: "Territorio para el fuego" de Javier Cellino, con Miguel Allende

> Martes 10

* Caseta La Marabunta.

20 h. Presentación libro: "Ocupemos el Mundo", con Miguel Urban, Joseba Fernández y alguien del 15M Asturies

> Miércoles 11.

* Caseta La Marabunta.

20 h. Presentación libro.: "Del romanticismo al regionalismo: escritores carlista en la literatura asturiana". Javier Cubero. Presenta: David M. Rivas

> Jueves 12

* Caseta La Marabunta.

19 a 20 h. Firma de Libros Manuel Blanco Chivite

20 h. Charla sobre "El Caso Marea" (AVALL)

> Viernes 13.

* Caseta La Marabunta.

20 h. Presentación de "Querella Argentina contra el franquismo". "La Comuna" de Presxs y Represalidxs del Franquismo. Manuel Blanco Chivite y Boni Ortiz

> Sábado 14

* Caseta La Marabunta.

20h. Presentación del libro "De les coses del mundu" de Inaciu Llope, con Xabel Vegas

> Domingo 15. Recoger librería.

TERRITORIO PARA EL FUEGO



Javier García Cellino

 

INCERTIDUMBRE

Sé que el exacto vuelo

nunca alcanzaré.

Mas, a fin de cuentas,

atrapados los siglos,

vivir es caminar

por un territorio desconocido.

                    Disposición de la materia.

                                     Javier Gª Cellino

Toi avezáu a facer con frecuencia "alta traición" a la manera de José Emilio Pacheco. "No amo mi patria. Su fulgor abstracto es inasible". Nun soi patriota, nin patrioteru y creo, como Javier, qu´andamos mientres vivimos per un territoriu desconocíu. Ye la suerte la que me llevó a nacer y vivir nesta Cuenca que comparto con él. Creo tamién como J.E. Pacheco que paga la pena vivir nesti territoriu por unos pocos llugares, un ríu que nos une, el Nalón, y "cierta gente", xente como él. Escritor de noveles, de cuentos, articulista, pero sobre too y penrriba de too poeta. Poeta enorme, esencial.
Esti xueves 28 de xunu voi tar na presentación del so últimu llibru, Territorio para el fuego. Títulu mui acertáu dende´l mio modestu puntu de vista y qu´espresa munches de les coses que van a apaecer dientro.

Ganador de premios tan importantes como´l Premio Hispanoamericano de Poesía "Juan Ramón Jiménez", con Sonata para un abecedario (pa mi, ún de los meyores), el "Leonor" de Soria con Disposición de la materia (fundamental pa entender meyor esti últimu Territorio para el fuego), el Gerardo Diego por La ciudad deshabitada, y munchos etcéteres más, saca agora  unos poemes que-y quedaron en caxón cuando escribía Disposición de la materia, poemariu dividíu en delles partes, una titúlábase: Territorios. Esti ye l´orixe del llibru. A los poemes axúnta-yos tamién otros que van nesa mesma llinia (Detrás de las vísperas) y unos haykus preciosos (Los misterios de Eleusis):

(Primavera)

Ríen los parques.

En su tálamo blanco

corro de niños.

Con profundes raíces na filosofía decimonónica y del sieglu pasáu, Javier ye un poeta fundamentalmente materialista. Un materialismu filosóficu cercanu al de Vicente Aleixandre, porque bebe de les vanguardies de la poesía del sieglu XX: surrealismu, simbolismu, etc., y tamién y sobre too del esencialismu poéticu d´autores como José Ángel Valente o que restola nos límites de la poesía al mou de Gamoneda.
Pero creo que nesti llibru hai dalgo más, dalgo qu´apunta yá a esti s.XXI, que ye difícil de concretar en pallabres, pero que presentimos nos sos versos, na desnudez de los poemes. Trata los conceptos abstractos cola delicadeza, el rigor, y tamién col aciertu d´un buen artista plásticu.
Ye la so poesía una poesía aparentemente sencilla, con poques referencies, desnuda como digo. Aparentemente namás, porque lleída, meditada con tranquilidá vemos que nun falta nin sobra nin tan siquiera una coma. Hai munchu trabayu detrás de cada pallabra, de cada espresión, de cada símbolu. Relaciónaselu por too ello con una parte de la llamada poesía esperimental de fin de sieglu XX, concretamente cola "poesía del silencio".
La so llectura produz un efectu d´escultura perfecta con un resultáu d´obra intemporal al estilu de Chillida, con una fuerza enorme. Nesti poemariu ye´l roce de les pallabres el que fai esti efectu:

"Entre la niebla
el cuchillo y las gacelas comparten
           su fracaso."

Estos son los versos finales del poema Signos(1), qu´empieza col de "A la fugacidad de las heridas..." Principio y final d´un poema perfectu que nos fala de la vida, el amor, el tiempu y la muerte y que quiero comentar con él esti xueves porque creo que condensa y resume les característiques principales del llibru y d´una etapa mui importante de la so poesía onde hai una relación directa entre la pallabra y la piedra. Javier ye un escultor de la pallabra cola qu´estudia la exacta disposición de la materia. D´esos versos quiero falar, d´ellos y de munches otres coses podremos charrar con él.
Tengo l´orgullu  y la satisfacción, la gran suerte de compartir "territoriu" con Javier,  y tamién voi tener la de compartir la so poesía esti xueves.
Nacíu pa ser poeta, porque tien esi don de saca-y a les pallabres esa forma inorada y tapecida, de tanta guapura, que nosotros nin siquiera yéremos quien a imaxinar.

Acostumbro a hacer con frecuencia "alta traición" a la manera de José Emilio Pacheco. "No amo mi patria. Su fulgor abstracto es inasible". No soy patriota, ni patriotero y creo, como Javier, que andamos mientras vivimos por un territorio desconocido. Es la suerte la que me llevó a nacer y vivir en esta Cuenca que comparto con él. Creo también como J.E. Pacheco que merece la pena vivir en este territorio por unos pocos lugares, un río que nos une, el Nalón, y "cierta gente", gente como él. Escritor de novelas, de cuentos, articulista, pero sobre todo y por encima de todo poeta. Poeta enorme, esencial.
Este jueves 28 de junio voy a estar en la presentación de su último libro, Territorio para el fuego. Título muy acertado desde mi modesto parecer y que expresa muchas de las cosas que vamos a ver dentro.

Ganador de premios tan importantes como el Hispanoamericano de Poesía "Juan Ramón Jiménez", con Sonata para un abecedario (para mi, uno de los mejores), el "Leonor" de Soria con Disposición de la materia (fundamental para entender mejor este último Territorio para el fuego), el Gerardo Diego por La ciudad deshabitada, y muchos etcéteras más, saca ahora  unos poemas que le quedaron en el cajón cuando escribía Disposición de la materia, poemario dividido en varias partes, una se titulaba: Territorios. Este es el origen del libro. A los poemas les une también otros que van en esa misma línea (Detrás de las vísperas) y unos haykus preciosos (Los misterios de Eleusis):

(Primavera)

Ríen los parques.
En su tálamo blanco
corro de niños.

Con profundas raíces en la filosofía decimonónica y del siglo pasado, Javier es un poeta fundamentalmente materialista. Un materialismo filosófico cercano al de Vicente Aleixandre, porque bebe de las vanguardias de la poesía del siglo XX: surrealismo, simbolismo, etc., y también y sobre todo del esencialismo poético de autores como José Ángel Valente o que indaga en los límites de la poesía al modo de Gamoneda.
Pero creo que en este libro hay algo más, algo que apunta ya a este s.XXI, que es difícil de concretar en palabras, pero que presentimos en sus versos, en la desnudez de los poemas. Trata los conceptos abstractos con la delicadeza, el rigor, y también con el acierto de un buen artista plástico.
Su poesía es aparentemente sencilla, con pocas referencias, desnuda como digo. Aparentemente nada más, porque leída, meditada con tranquilidad vemos que no falta ni sobra tan siquiera una coma. Hay mucho trabajo detrás de cada palabra, de cada expresión, de cada símbolo. Se lo relaciona por todo ello con una parte de la llamada poesía experimental de fin de siglo XX, concretamente con la "poesía del silencio".
Su lectura produce un efecto de escultura perfecta con un resultado de obra intemporal al estilo de Chillida, con una fuerza enorme. En este poemario es el roce de las palabras el que hace este efecto:

"Entre la niebla
el cuchillo y las gacelas comparten
           su fracaso."

Estos son los versos finales del poema Signos(1), que empieza con el de "A la fugacidad de las heridas..." Principio y final de un poema perfecto que nos habla de la vida, el amor, el tiempo y la muerte y que quiero comentar con él este jueves porque creo que condensa y resume las características principales del libro y de una etapa muy importante de su poesía donde hay una relación directa entre la palabra y la piedra. Javier es un escultor de la palabra con la que estudia la exacta disposición de la materia. De esos versos quiero hablar, de ellos y de muchas otras cosas podremos charlar con él.
Tengo el orgullo y la satisfacción, la gran suerte de compartir “territorio" con Javier,  y también voy a tener la de compartir su poesía este jueves.
Nacido para ser poeta, porque tiene ese don de sacarle a las palabras esa forma ignorada y oculta, de tanta belleza, que nosotros ni siquiera podíamos imaginar.

La Nueva España 3/07/2012

Reseña de Fernando Fernández Tamargo. "Pasión".

MONCÓU

Braña de Moncóu. Cangas del Narcea.

"Dónde están tus amigos de infancia, adónde se han ido a jugar y por qué te han dejado solo".              

                                                       (Paisaje triste, páx. 102) de El tiempo baldío.

                                                                                         Alfonso López Alfonso

Yo tamién soi de Moncóu, un pueblín preciosu de Cangas del Narcea. Nací allí, pero nin siquiera lo sospechaba.

Un tratante de ganáu del llugar ye protagonista na película Grupo Salvaje de Sam Peckinpah, pero eso sólo lo sabía Alfonso López Alfonso. Tampoco sabíemos naide que´l gran xugador de los New York Giants, Willie Mays nun-y pudo firmar un autógrafu a aquel guaje que se llamaba Paul Auster al salir del estadiu de béisbol de Moncóu, nin siquiera imaxinábemos que nesa aldea de Cangas se xugare al béisbol.

Estes y munches otres coses, esplícanosles Alfonso cola claridá que da la intelixencia y la llucidez qu´esparrama nel so últimu llibru, El tiempo baldío. Un tiempu de semeya, de fotografía en blanco y negro que se va tornando n´amariello.

Alfonso López Alfonso.

En dalguna ocasión nel pasáu, quiciás pude resolve-y a Alfonso (polo menos intentélo) dalguna de les preguntes d´esti conxuntu de relatos que sorrayé a la entrada (¿ónde fueron los mios amigos?- creo sentilu ente los cedros y les secuoyes de la Fundación Docente de Mineros Asturianos, preguntándome mirando p´arriba ). Vilu crecer físicamente dende que yera un guajín de pocos años. Siempre ye agradable ver cómo un alumnu tuyu cambia, y na madurez del so rostru somos a ver tovía´l nenu que fue depués de dexar el sarampión de la infancia y l´acné de l´adolescencia. Agora tócame velu medrar nel so buen oficiu d´escritor. Ye prestoso ver cómo se va tornando nel amigu que charra contigo y te pue dar buenos conseyos. Ye tou un placer descubrir quién somos de la so mano, o polo menos ver cómo somos en dalgunes facetes de la vida que nin siquiera sospechábemos, de la mano d´una prosa clara y poética como ye la d´esti últimu Alfonso. Agora soi yo´l que mira p´arriba.

Moncóu podría ser Llaviana, la mio Pola de Llaviana, y tamién cualquier otru llugar nel mundu. Un mundu que va desapaeciendo sin que nos demos cuenta, que nos dexa solos sin saber ónde ta esi mundu, lo que representa esi mundu y los sos personaxes, los nuestros amigos y vecinos. "Olvidé las palabras -soy tan culpable como el que más- con las que mi abuelo y mi madre saboreaban el mundo: teixera, l.leirón, poula, l.lavaza, formigueiro, l.lugar, pruida, padana. Y no sé si podré recuperarlas." páx. 26.

Sólo los buenos escritores son quien a tresformar el so pueblu nel nuestru, nel de toos.

Moncóu podría ser Llaviana, y tamién el Comala de Juan Preciado. Como Juan Rulfo, Alfonso asítiase unes veces nesa frontera de lo real y irreal, mezcla de verosimilitú y ficción a traviés de persones cercanes, parientes, vecinos. Otres ye un periodista que trabaya la hestoria que cuenta namás (y nada menos). Siempre hai un estudiu de les costumes de los habitantes de la aldea, esto ye, nunca fai una simple descripción d´ellos, sinón que profundiza nel so facer, el porqué del so facer, cómo se manexen eses persones/personaxes nel mundu. Un mundu del que tamién él ye protagonista en primera persona.

Ye un llibru señaldosu, profundamente señaldosu. Alfonso llámalo "nostalgias suroccidentales" nes pallabres que me pon na so dedicatoria. ¡Bendita nostalgia, bendita morriña, bendita señaldá! ¿Qué sería de nosotros, qué sería del mundu sin nun hubiere escritores como Alfonso que toquen la tecla de la señaldá, la qu´abre de par en par la música del recuerdu? ¿Qué sería de nosotros sin memoria, perdíos ente les páxines del olvidu? Hai nestos relatos una señaldá a la que nun podemos renunciar, una señaldá imprescindible pa la vida.
Acaba´l llibru con un cuentu de Navidá: "Otra vez la nieve". Ye esta vez un cuentu preciosu nel que la ficción se confunde cola realidá y el deséu y que, como nun podía ser d´otra manera nél, acaba bien, con esperanza. Hai dalgo de film de la gloriosa época norteamericana de Hollywood, del blanco y negro y, si él me lo permite, de Frank Capra.

De la mano de Alfonso López Alfonso, caminante solitariu y pensativu al estilu del meyor Julio Llamazares, cine, poesía, lliteratura, arte, filosofía -buena filosofía- entemécense en tol llibru demostrando que lo universal ta y pue tar no más apartao: esi rincón tan guapu del mundu al que toos pertenecemos y que se llama Moncóu.

HOTEL OMAHA BEACH

Monumentu "Los Bravos", Omaha Beach. Agostu 2011.

Llegué a la playa d´Omaha al escurecer y en tol frente de la costa nun había namás qu´un hotelín col mesmu nome del llugar. Probé suerte y teníen de casualidá un cuartu llibre pa pasar la nueche. Nun me gustó lo que daben de cenar nel restaurante y comí en cuartu dalgo que llevaba nel coche.

Amás de lo tarde que yera, el día taba nubláu, como se ve na foto, pero tovía había dalgo de lluz y fui a conocer la nomada sablera y estirar les pates. Apenes quedaba xente yá y sólo alcontré una especie de chiringu playeru al par de la carretera que cuerre paralelu a la playa, abiertu. Enfrente del barucu, pela arena, taben un grupu de mozos y moces con un radiocassette al altu la lleva, faciendo una especie de botellón, paecía qu´enturbiando más tovía´l gris del día y la hora y el gris del recuerdu d´aquel Desembarcu de Normandía. Quiciás fue nun día tan gris como´l que yo taba viviendo cuando la masacre de miles de chavales d´apenes venti años nesa mesma playa.

Empezaba a orbayar y marché pal hotel. Dende la cama pudi sentir tovía unes hores más el ruxerrux de los mocetos cola música. Tamién oyí yá medio en suaños al dueñu del hotel discutir con ellos, seguramente porque yera mui tarde y molestaben a la xente que dormía. Creí sentir tamién un coche de la policía más tarde coles lluces, hasta que se fixo un silenciu total.

Al día siguiente fui a visitar el cementeriu americanu que ta en Colleville-sur-Mer. Dende allí pue vese tola playa d´Omaha y la sensación de congoxa que-y da a ún al andar pente les cruces ye difícil de describir.

Cementeriu americanu.

Nuna superficie de setenta hectaries, hai más de nueve mil cruces y dalguna qu´otra estrella de David perfectamente alliniaes, que faen estremecedores puntos de fuga nel paisaxe francés, en cualquier sitiu onde te pongas.

Salí d´allí mui acongoxáu, estrañu y emocionáu, y paré´l coche al par de la carretera, onde había unos árboles y unes meses pa sentase. Nuna mesa alcontré un mazu de llaves que dalguién dexara olvidaes y decidí dir a dexales al puestu de la xendarmería más cercanu, por si´l dueñu les reclamaba.

Alcontré´l puestu cerquina del aria de reposu y comenté-yos  lo de los mocinos del botellón de la playa  d´esa nueche a los guardies, por si yeren los mesmos o sabíen dalgo del sucesu. Había dos guardies y quedáronse mirando ún pa otru como sonriendo.

- Tien usté muncha imaxinación -me dixo´l que taba sentáu.

Nun entendía qué me quería dicir y pregunté-y por qué.

Punxo cara de tar un poco desorientáu, como si nun m´entendiere bien lo que-y dicía yo y entós aclarióme:

- Ye que verá usté, la llinia de playa d´Omaha ye zona protexida dende la Segunda Guerra Mundial p´acá, ta prohibío construir y ye imposible qu´haya un hotel que se llame ¿cómo dicía usté, "Omaha Beach"? Amás, la playa sólo se pue visitar pel día y a partir de les nueve de la tarde tán cerraos tolos accesos a ella.

Di-yos les gracies y los dos guardies volvieron a intercambiar les miraes, seguramente al ver la mio cara de plasmu.

MAMÍFEROS EN LA CAJA NEGRA



Ánxel Nava



L´otru día en La Caja Negra d´Uviéu, ente los mamíferos qu´allí tábemos, reconocí a catalanes, carbayones, llavianeses y cilúrnigos, tamién (amás de los de la Timba) a estos dos  poetes:

"Enriba de L´Alto Aboño

atalayando pa les boles blanques

nel run de les muries y les foles

no alto la memoria

                      sentóse´l Pataricu

patrón de la hestoria y del batulaxe

a facer cuenta de los tiempos

y los cercos

hai tres tribes d´homes:

los vivos, los muertos

y los navegantes."  Cilurnión. Ánxel Nava.

Jesús Lizano

MAMÍFEROS (Jesús Lizano)
Yo veo mamíferos.
Mamíferos con nombres extrañísimos.
Han olvidado que son mamíferos
y se creen obispos, fontaneros,
lecheros, diputados. ¿Diputados?
Yo veo mamíferos.

Policías, médicos, conserjes,
profesores, sastres, cantoautores.
¿Cantoautores?
Yo veo mamíferos…
Alcaldes, camareros, oficinistas, aparejadores
¡Aparejadores!
¡Cómo puede creerse aparejador un mamífero!
Miembros, sí, miembros, se creen miembros
del comité central, del colegio oficial de médicos…
académicos, reyes, coroneles.
Yo veo mamíferos.
Actrices, putas, asistentas, secretarias,
directoras, lesbianas, puericultoras…
La verdad, yo veo mamíferos.
Nadie ve mamíferos,
nadie, al parecer, recuerda que es mamífero.
¿Seré yo el último mamífero?
Demócratas, comunistas, ajedrecistas,
periodistas, soldados, campesinos.
Yo veo mamíferos.
Marqueses, ejecutivos, socios,
italianos, ingleses, catalanes.
¿Catalanes?
Yo veo mamíferos.
Cristianos, musulmanes, coptos,
inspectores, técnicos, benedictinos,
empresarios, cajeros, cosmonautas…
Yo veo mamíferos.

del libro Novios, Mamiferos y Caballitos

LA SONRISA D´APOLO

Cuando ún pasa de los cincuenta, empiecen a facete los médicos análisis hasta de la bufanda que lleves, asina qu´hoi tocábame dir pela mañana al médicu por cuenta d´una revisión que fixi la selmana pasada nel Hospital de Riañu.

Como la médica de cabecera nun me conocía de nada, entamó a preguntame de too pa escribir el mio hestorial nel so ordenador y cuando yá me fixera una encuesta de tolo habío y por haber díxome que si tenía dalguna cosa que me preocupare.

Nun sabía bien si yera´l llugar adecuáu pa sacalo, pero al final decidíme a conta-ylo.

- Ye que verá usté. Apolo rise de mí.

Vi que la mio médica nun sabía si rise ella tamién o qué facer, pero paezme una persona seria y mui profesional, asina que me respondió:

- ¿Que quier dicir usté?

- Eso, - dixi yo- qu´Apolo rise de mi, que se mofla, que me toma a chunga.

Vi que cada vez se ponía más seria y me ponía atención.

- ¿Quién ye Apolo?- me dixo.

- ¡Quién va a ser! ¿Nun conoz usté al dios Apolo? Pues, esi.

- Bueno, bueno. Eso nun tien munchu sentíu. A ver, si tien usté dalguna preocupación, esprésese meyor.

Paróse un poco depués de reñeme y decidió afondar no que yo-y trataba d´esplicar y díxome:

-¿Y de qué cree usté que se ríe?

- Porque falo n´asturiano. Toi seguru que ye por eso.

- ¿Y ónde ye onde ve al dios Apolo?

-Téngolu en casa, estos díes ta debaxo la cama. Meyor dicho tengo sólo la cabeza d´Apolo.

Vi yá que la médica facía como postura delantre del ordenador como pa escribir un volante, seguramente pa desviame pa la sección de siquiatría del Valle del Nalón, por eso traté d´esplicame meyor.

- Verá usté, normalmente l´Apolo téngolu nuna de les estanteríes de la mio biblioteca, bien visible y con munchu orgullu, porque lu tengo en muncha estima, pero cuando vien una sobrina mía pequeña o dalgún neñu a casa, tengo qu´escondelu debaxo la cama, porque a los neños da-yos una medrana qu´apavoren con él y métense detrás de so ma o de so pá y pónense a llorar. Que Jaime Herrero me perdone porque a mi gústame muncho la estatuina, pero les neñes, sobre too, nun son a sufrila, asina que por eso la escuendo debaxo de la cama. Y el casu ye qu´estos díes rise de mi como facía un guajón nel institutu Alfonso II, cuando fui pa Uviéu en 1975 a facer los últimos años del Bachilleratu, porque falaba n´asturiano.

Paecía que la mio médica yá taba un poco más cómoda y preguntóme:

- ¿Y cómo solucionó usté aquello col guaje del Alfonso II?, porque podría facer lo mesmo con Apolo.

-¿Andar a hosties con un dios? -dixi yo-, eso nun creo que seya mui proporcionao.

- Non, home, nun quería dicir eso.

- Toi pensando en devolvé-yoslu a la Asociación d´Escritores d´Asturies que me lu dio, porque creo que tán en baxo, y asina mato dos páxaros d´un tiru.

- Home, eso nun me paez buena idea.

- Pues verá usté, doctora, cuando facíemos un campeonatu de tute en pueblu, les copes que dábemos como premiu, en cuenta de que nun les llevaba naide pa casa, acabamos dando tolos años les mesmes. Namás-yos cambiábemos la chapa del añu y asina aforrábemos les perres. Los de l´Asociación d´Escritores puen facer lo mesmo y yá ta solucionao l´asuntu. A mi personalmente fáenme un favor, porque quítome de qu´esi Apolo se ría tol día de mi.

- Pue ser, pue ser -me dixo la médica yá más relaxada.